Bayerni i Mynihut ka festuar zyrtarisht titullin kampion të Gjermanisë, ndonëse matematikisht e kishte fituar disa javë më herët. Në një ceremoni spektakolare të organizuar në ‘Allianz Arena’, futbollistët bavarezë ngritën lart titullin e 28 në historinë e klubit.
Humbja 1-4 ndaj Stuttgartit nuk e zbehu aspak festën e bavarezëve, që pavarësisht nisjes së dobët të sezonit, shkarkuan Ancelottin për të rikthyer Jupp Heynckes dhe arritën të sigurojnë titullin që në muajin Prill.
Gëzim i dyfishtë ishte edhe për sulmuesin polak të Bayernit, Robert Lewandowski, që përveç titullit, mori edhe trofeun e golshënuesit më të mirë të sezonit, me plot 29 realizime, gati dyfishi i ndjekësit më të afërt.