Pas përjashtimi nga loja të Clement Lenglet, Arturo Vidal e ka kritikuar vendimin e Gil Manzanos, duke thënë se VAR-i duhet t’iu ndihmojë gjyqtarëve. Bracelona mbrëmë barazoi në “Camp Nou” 2-2 në ndeshjen e javës së pestë në La Liga.
“Ne jemi të mërzitur për shkak se e merituam fitoren”, tha Vidali pas ndeshjes. “Diçka e tillë nuk duhet të ndodh sepse ndikon te rezultati. Ne e pamë pastaj videon dhe mendoj se VAR-i duhet të ndihmojë e jo të dëmtojë”. “Është e vështirë të kritikohemi ne pas një ndeshjeje të tillë”.
Kjo ishte ndeshja e parë nga fillimi e Arturo Vidalit me Barcelonën. Ai mbrëmë asistoi në golin e parë të Barcelonës, të cilin e shënoi Lionel Messi. “Nuk është i vështirë adaptimi në këtë ndeshje, së paku për mua. Kam luajtur për Bayernin e Juventusin, dhe kur ke kualitete dhe je i përgatitur, atëherë mund të luash për çdo skuadër”.
Arturo Vidali erdhi gjatë kësaj vere nga Bayern Munichu për 20 milionë euro.
