Një tifoz i Juventus ka pasur një kërkesë të pazakontë në amanetin e fundit. 77-vjeçari me pseudonimin Il Doro, emri i vërtetë Mario Stefanini, ka vdekur ditën e enjte dhe funerali është zhvilluar pasditen e së shtunës.
Siç bëhet zakonisht në Itali, një lajmërim është printuar dhe vendosur në qytetin e Fronaci di Barga, pranë Lucca, për të shpallur vdekjen e tij.
“Mario Stefanini, ‘Il Doro’, mosha 77 vjeç. Fëmijët dhe familja shpallin këtë lajm të trishtë.“Funerali do të zhvillohet të shtunën në varrezat e Lopias. “Në vend të luleve, sillni golat e CR7.”
Mbetet për t’u parë nëse Ronaldo do të ketë diçka speciale të dedikuar për tifozin e ndjerë.