Shkodrani Armando Vajushi, duket shumë pranë kalimit në kampionatin rumun. Sipas “prosport.ro”, menaxheri i 27-vjeçarit, Sokol Haxhia, ka qenë i pranishëm në 3 sfidat, Dinamo e Bukureshtit-Kluzh, Botoshani-Poli Iashi dhe Astra-Botoshani.
Shanset janë të mëdha që Vajushi t’i bashkohet Botoshanit, skuadër ku aktivizohet edhe mesfushori shqiptar Enriko Papa, gjithsesi një opsion mjaft i mirë mbetet dhe Dinamo e Bukureshtit.
Momentalisht shkodrani është pa ekip, teksa skuadra e fundit që është aktivizuar ka qenë Avelini. 27-vjeçari është i lirë që nga vera e këtij viti.