Isco-Real Madrid një krizë pa fund. Konfrimimi vjen edhe nga kapiteni i “Los Blancos”, Sergio Ramos që ka folur mbi situatën në shtëpinë e Real Madrid. Spanjolli ka konfirmuar një përçarje të vërtetë dhe të madhe mes trajnerit Santiago Solari dhe Isco, tashmë i destinuar të braktisë skuadrën.
“A mund të ndryshojë situata relative mes Isco e Solari? E vështirë. Te Real të gjtihë duan të zbresin në fushë dhe ky qëndrim e pozicionim i trajnerit është shumë i vështirë. Por te Real Madrid situata janë gjithmonë të njëjtat: kush luan, kush nuk luan, prej sa kohësh mungon një numër 9, kush luan në portë… Nevojitet gjithmonë të ushqesh median dhe ndodhemi këtu që gazetarët të mos mërziten”, deklaroi Ramos. Fjalë që mund të shërbejnë si një asist për Juventus, me klubin bardhezi që pas Ramsey është gati të realizojë një tjetër ndërhyrje të stilit CR7.
