Boks

SURPRIZA E KLICHKOS/ Rikthehet në ring pas 2 vitesh, ja ku dhe ndaj kujt do të duelojë

Boksieri ukrainas Wladimir Klitschko mund të rikthehet në ring gjatë këtij viti, për të zhvilluar në prill, në stadiumin “Wembley”, një duel ndaj britanikut Dillian Whyte. Klitschko është ish-kampion bote në peshën e rëndë, një legjendë e sportit të dorezave, kampion i padiskutueshëm i këtij Divizioni. Ukrainasi është gati të ngjitet sërish në ring 2 vjet nga sfida e tij e fundit, ajo e humbur ndaj Anthony Joshua.

Surprizë fakti që Klitschko nuk do të duelojë ndaj asnjë prej 3 boksierëve të pamposhtur të peshës së rëndë, Joshua, Wilder apo Fury, por ka zgjedhur të përballet me Whyte, lajm që konfirmohet nga gazetari i BBC, Steve Bunce. Klitschko humbi titujt kampionë bote pas duelit me Fury, të zhvilluar në vitin 2015, ndërsa në vitin 2017 u mund edhe nga Joshua në përpjekjen për t’i rimarrë ato.

“Wladimir Klitschko do të rikthehet sërish në ring dhe do të përballet me një boksier britanik. Nuk është Joshua apo Fury, për të zhvilluar një revansh me ta. Do të jetë Whyte, një tjetër boksier i madh i këtij Divizioni”, tha Bunce. Klitschko, 42 vjeç, numëron 64 fitore e 5 humbje në karrierën e tij, njeriu që për 10 vite me radhë nuk pësoi asnjë humbje dhe ishte kampioni absolute i peshës së rëndë.

Related posts

“DUEL NË SHKRETËTIRË”/ Pamjet spektakolare, ja stadiumi ku do të zhvillohet revanshi Joshua-Ruiz (VIDEO)

Delo.autor

Nurmagomedov mesazh McGregor/ Herës tjetër dera e autobusit do jetë e hapur

Sadik.Autor

PAS 4 VITESH NGA PËRPLASJA ME GARBRANDT/ Mcgegor i thur elozhe “ish-armikut”: Besnikërnë që ke treguar nuk…

Delo.autor

Leave a Comment