Ivan Perisic është i fiksuar për të luajtur në Premier League. Duke qenë se në merkaton e janarit nuk u kompletua kalimi i tij te Arsenal, në merkaton e verës do kërkojë një dritare të re, të cilët si duket do ia hapë Tottenham.
Mauricio Pochetino e ka kthyer në prioritet kroatin, të cilin pati mundësi ta shohë nga afër në përballjet e klubeve në Champions League dhe do e kërkojë në verë për ta marrë në Londër. Një pistë që edhe Interit do t’i leverdiste, duke parë vullnetin e 30-vjeçarit për t’u larguar dhe interesin e tyre në dy lojtarë të “Spurs”.
Marotta ka vënë në listën e transferimeve Moussa Sissoko dhe Serge Aurier. Të dy lojtarët pëlqehen nga klubi zikaltër dhe mund të futen në negocim për të bërë të mundur kalimin e Perisic në Anglie dhe marrjen e dy lojtarëve në Milano.