Teuta dhe Kukësi hapin me duelin e tyre, javën e 22-të në Kategorinë Superiore. Ky duel, luhet mes vendit të dytë dhe atij të tretë, dhe të dyja ekipet vijnë nga javë të vështira, që nga rifillimi i kampionatit.
Vendasit e Shkëmbit, pas 3 barazimeve nuk duan të llogarisin më një “X” tjetër, dhe futen vetëm për fitore. Nga ana tjetër, humbja e fundit e Kukësit ndaj Tiranës, ka tronditur ambientin verilindor, dhe ndaj durrsakëve pranohet vetëm fitorja.
LIVE | Teuta-Kukësi 2-1
GOL: Prongi 70′, Arapi 72′ / Rexhinaldo 37′
KOMENTI LIVE
85’ Goditje potente nga jashtë zone e Shkurtajt, por Hidi me majat e gishtave, e devijon dhe topi përplaset në shtyllë.
82’ Largohet nga loja edhe Gerhard Progni, i duartrokitur nga tifozët. Në fushë, Ditmar Bicaj.
80’ Cungu lëviz gjithçka. Del edhe Dzaria, në fushë Arbër Çyrbja.
77’ Kryen edhe një tjetër ndërrim Shkëmbi. Del Traore, në vendin e tij Fabian Beqja.
76’ Karton i verdhë për Ethemin, teksa po dilte nga fusha e lojës, për ndonjë protestë tek arbitri.
76’ Lëviz Cungu. Nxjerr Ethemin, futet Valdet Rama. Del edhe Rroca, i lë vendin Shkurtajt.
72’ GOOOOOL TEUTA 2-1/ Përmbys gjithçka Teutë, brenda dy minutave. Aksion i gjatë nga goditja e dënimit, dhe Arapi ndëshkon Frashërin.
71’ Tjetër karton i verdhë te Kukësi, ndëshkohet Limaj.
70’ GOOOOOL Teuta 1-1/ Barazon shifrat Teuta, me Gerhard Prognin, pas një gjuajte fantastike nga goditja e dënimit.
68’ Goditje dënimi për Teutën, pas një faulli pranë zonës. Karton i verdhë për Cuculin.
66’ Kryen zëvendësimin e parë nga Shkëmbi. Del Kamara, futet Latif.
63’ Rast i artë për Rrocën, i cili brenda zone, godet keq dhe pret Hidi.
62’ Traore niset shpejt, por e lëshon topin shumë para, dhe Shameti e mbyll. Por, futbollisti i Teutës shkel në këmbë mbrojtësin gjirokastrit, dhe ndëshkohet me kartonin e verdhë.
59’ Ndalet loja për pak çaste, pasi Rexhinaldo shtrihet në fushë, dhe del jashtë vijave për të marrë ndihmën e parë. Gjithsesi, rikthehet sërish.
53’ Kamara niset bukur dhe shpejt nga mesi i fushës, por Dzaria e ndal. Karton i verdhë për gjeorgjianin.
48’ Tjetër këndore për Teutën, teksa krosimi i Kamaras devijohet nga Maliqi. Në zhvillimet e saj, topi shkon tek Kallaku në hyrje të 16-shes, por goditja lë shumë për të dëshiruar.
46’ Menjëherë në sulm Teuta. Sidibe kërcënon me një goditje nga brenda zone, por devijohet në goditje këndi.
46′ Nis pjesa e dytë. Ekipet në fushë siç e mbyllën.