Edhe pse të ardhurat e tyre janë tepër të larta, disa prej futbollistëve të njohur të Serisë A janë akuzuar se nuk lënë bakshish.
Akuzat janë ngritur nga grupi i çiklistëve me pagesë “Riders Milano” që shpërndajnë rroba dhe ushqime të ndryshme për njerëzit që bëjnë porosi.
Në një postim në faqen “Diliverance Milano”, ky grup ka bërë publike edhe listën e zezë të të gjithë VIP-ave që nuk lënë kurrë bakshish pasi marrin porosinë.
Në listën e gjatë spikasin emrat e futbollistëve aktual si Danilo Dambrozio, Leonardo Bonuçi, Mauro Ikardi dhe Gonzalo Higuain si dhe ish-futbollistët Kristian Abiati, Paolo Kanavaro, dhe Filip Mekses.
Të gjithë këta emra janë turpëruar publikisht nga grupi i çiklistëve “Riders Milano”, teksa këta të fundit i kanë etiketuar si kurnacët më të pashembullt.