Ndeshjet Live Sport

LIVE/ Mbyllet ndeshja ndeshja Teuta-Laçi. Rezultati 0-1

Do të startojë në orën 17:00, në “Niko Dovana” të Durrësit, sfida mes Teutës dhe Laçit. Një përballje tepër interesante, mes 2 trajnerëve shkodran Edi Martini dhe Armando Cungu.

Si Teuta ashtu dhe Laçi do të kërkojnë ta nisin vitin 2020 me fitore. Durrsakët vijnë pas 2 triumfesh radhazi, ndërkohë që kurbinasit, regjistruan 2 humbje në fundin e vitit 2019-të.

Në sfidën e fazës së parë, ishte Laçi që triumfoi me rezultatin 3-0, ndërkohë që “djemtë e detit” do kërkojnë një lloj hakmarrje për atë disfatë. Për sa i përket formacioneve zyrtare, bie në sy aktivizimi i Rapos dhe Grecës nga minuta e parë, ndërkohë që durrsakët luajnë pa sulmues të mirfilltë.

 

LIVE| Teuta-Laçi 0-1
(Turkaj 53′)

90′ 5 minuta shtesë ka akorduar gjyqtari i katërt.

89′ Tjetër karton i verdhë. Shehu ndëshkohet nga gjyqtari, loja tepër e ashpër në fundin e saj.

86′ Karton tjetër i verdhë, këtë herë për Hoxhën.

84′ Loja ndalet për disa minuta, pasi Frashëri ka shqetësime në shpinë.

81′ Del nga loja Aleksi dhe vendin e tij e zë Kapllani.

76′ Dëmtim horror i Frashërit, i cili pasi largon topin bie shumë keq në fushë. Por nuk ka asgjë serioze fatmirësht për portierin, i cili vazhdon lojën.

75′ Kuros ndëshkohet me karton të verdhë.

71′ Faulle të shumta në mesfushë, loja po bëhet e ashpër.

68′ Laçi del gjithmonë i rrezikshëm në sulm, Greca del në fundore godet dhe nuk kroson. Rast i çuar dëm për kurbinasit.

66′  Kalaja zë vendin e Avdylit, Martini kryen zëvendësimin e dytë.

64′ Asnjë rast pas golit të Laçit. Miqtë më të qetë në fushën e lojës.

57′ Arapo del nga loja dhe futet Shkalla.

59′ Laçi i qartë pas shënimit të golit, Teuta tenton daljen në sulm.

53′ GOOOOL Laçi. Kurbinasit kalojnë në avantazh. Ishte Turkaj ai që brenda zonës shënon me kokë dhe nuk fal Frashërin nga afër.

Gol Turkaj on Vidnews.

49′ Rast i mirë Grecën, i cili lëviz diagonal brenda zonës, godet por mbi kuadrat, duke mos shfrytëzuar kështu daljen e Frashërit.

46′ Starton pjesa e dytë!

Mbyllet pjesa e parë!

45+2′ Emiljano Vila mbetet i shtrirë në fushë, pas faullit që pësoi nga Shehu.

45′ Prekje e topit me dorë nga Teko në zone, ndalet aksioni i kurbinasve. Ndërkohë gjyqtari i katërt akordon tre minuta shtesë.

43′ Greca gabon dhe ndërhyn ashpër, gjyqtari nuk e fal dhe e i tregon kartonin e verdhë.

42′ Nuabueze niset me shpejtësi drejt sulmit, Rustem Hoxha e ndjek. Sulmuesi godet me të djathtë, por Hoxha bllokon dhe largon rrezikun.

41′ Teuta qarkullon topin, Kallaku gabon dhe shkakton faull duke u ndëshkuar me karton të verdhë. I pari në këtë takim.

37′ Greca ka topin në zotërim jashtë zone, por ngatërrohet dhe humbet kontrollin.

33′ Pranë golit Teuta, Avdyli godet nga pozicion i favorshëm, por Stazhilla pret dhe largon rrezikun.

25′ Nuabueze lëviz shume mirë në zonë, godet me të djathtë por Frashëri pret.

23′ Laçi insiston për pak çaste me disa krosime, në fund Deliu godet por, topi shkon mbi kuadratin e portës.

22′ Teuta tenton të dalë në një kundërsulm të shpejtë, Gjoni me forcë ndalon aksionin.

17′ Vendin e Rapos që u dëmtua, e zuri Turkaj. Ndërkaq Rapo është larhuar me ambulancë drejt spitalit të Durrësit.

14′ Lushkja dhe Rapo përplasen mes tyre, Rapo mbetet i dëmtuar dhe merr ndihmën e mjekëve. Ndërkohë Nuabueze duket i acaruar me lojtarët e Teutës.

12′ Teuta merr kontrollin e lojës me disa pasime në mesin e fushës, por Todorovski gabon me një pasim për të nxjerrë ekipin përpara.

9′ Laçi ka kontrollin e lojës, por Teuta vazhdon preson kurbinasit.

3′ Një përplasje mes lojtarëve, Ignjatoviç largohet me barrelë nga fusha pas dëmtimit të rëndë. Vendin e tij e zë Gjoni.

1′ Starton sfida.

Related posts

SKANDALI NË DERBIN E MADONINËS/ Sy të nxirë e brinjë të thyera, karriera e Ibrahimovic mes… sherreve

Delo.autor

MERKATO E VERËS/ Befason Chelsea, blindon lojtarin dhe lë me gisht në gojë gjysmën e Europës

Delo.autor

Arsenali luan sezonin me Atleticon, Salzburgu për mrekullinë ndaj Marseille

Sadik.Autor

Leave a Comment