Luhatjet në lidhje me rinovimin të Hakan Çalhanoglusë po shtyjnë Milanin të studiojë alternativat në rast se dështon akordi me turkun. Për 4-2-3-1-shin e Milanit, Josip Iliçiç thuhet se mund të jetë profili i duhur për rolin e qendrës në treshen pas shpinës së Ibrahimoviçit.
Problemi moshë (33 vjeç) dhe vlera e kartonit bëjnë kuqezinjtë të hezitojnë për momentin, por slloveni thuhet se do të vijojë të jetë nën vëzhgimin e rreptë të drejtorit Paolo Maldini. Diskutim krejt i ndryshëm për Dushan Vlahoviçin.
Serbi vlerësohet 40 milionë euro nga Fiorentina. Kostoja është disi e lartë, por vlerat dhe mosha e tij i japin përparësi perspektivës me Milanin që kërkon një zëvendësues për Ibrahimoviçin.
Për këtë rol u afrua Manxukiçi, por kroati vështirë se do të sigurojë rinovimin e kontratës në rast se nuk dëshmon diçka të rëndësishme në këto nëntë javë të fundit që na ndajnë nga mbyllja e sezonit për Serinë A. Në favor të Vlahoviçit është edhe rroga pasi do të mjaftonin 1.5 milionë euro në sezon për ta bindur. Ndaj problem për kuqezinjtë mbetet vetëm kërkesa e Fiorentinës.
