Shqipëria U17 do të zhvillojë dy teste miqësore në shtator me Kosovën, teksa trajnerët e dy skuadrave do të kenë mundësinë e seleksionimit të lojtarëve në prag të eliminatoreve të Kampionatit Europian të 17-vjeçarëve që do të zhvillohen në muaj tetor dhe nëntor të këtij viti.
Skuadra e drejtuar nga Ervin Bulku do të ndeshet në 22 shtator dhe 24 shtator me 17 vjeçarët e Kosovës në një ndeshje miqësore. Shqipëria ndodhet në grup me Italinë, Skocinë dhe Irlandën e Veriut, ku pikërisht me këta të fundit ka dhe ndeshjen e parë eliminatore.
Në fillim të gushtit, trajneri Bulku do të grumbullojë 19 lojtarë nga kampionati i të rinjve në Shqipëri për tu dhënë mundësi të testohen dhe të fitojnë një vend në radhët e Kombëtares së 17-vjeçarëve.
