Barazimi i PSG-së me skuadrën modeste të Klub Bryzhit ka zhgënjyer tifozët të cilët prisnin një debutim ëndrrash për Lionel Mesin në Ligën e Kampionëve.
Megjithatë ishte një ndeshje jo fortë e mirë e parisienëve duke pasur parasysh dhe potencialin që ka aktualisht në skuadër. Për këtë ka reaguar dhe ish-sulmuesi anglez Michael Owen i cili ka habitur me deklaratën e tij.
Ouen u shpreh se afrimi i Ramos e Donarumës të jepe më shumë shanse për të triumfuar në Ligën e Kampioneve se sa prania në skuadër e Lionel Mesit.
‘’Mesi, Nejmar dhe Mbape janë lojtarë fenomenalë, por nëse luajnë bashkë janë më të dobët. Nuk e kuptoj se si PSG-ja mund të konsiderohet si favorite për Ligën e Kampionëve, kur ekipet angleze janë shumë më të forta dhe superiore. Nënshkrimi i lojtarëve si Donaruma dhe Serxhio Ramos shtojnë më shumë shanset për të triumfuar në Champions, se sa prania e Mesit’’, tha Ouen.
Një deklaratë befasuese që ka bërë xhiron e internetit duke marrë dhe kritika të shumta.