Presidenti i Bayern Munich Uli Hoenes ka mohuar zërat se kampionët e Bundesliga-s do të shpenzojnë shifra të çmendura në merkaton e verës.
Megjithëse Bayern nuk arriti të shkonte më larg se gjysmëfinalja e Champions League dhe humbi në finalen e Kupës ndaj Frankfurt, Hoeness nuk mendon se skuadra ka nevojë për një revolucion, megjithëse Joshua Kimmich e kishte cilësuar sezonin si tepër zhgënjyes.
“Është një budallallëk i madh,” shprehet Hoeness mbi komentet e Kimmich.“Mendoj se ka qenë një sezon i jashtëzakonshëm.“Me siguri nuk do të bëjmë blerje 100 milionë euro këtë vit. Pak a shumë do ta nisim sezonin me ekipin aktual, le të shohim se çfarë do të bëjë Kovac me të.
“Na duhen një apo dy lojtarë që mund të paraqiten në maksimum në ndeshjet e rëndësishme, dhe jo kur luajmë ndaj ekipeve më të dobëta.“Ata që nuk janë në gjendje ta bëjnë këtë, do të shiten. Por nuk dua të përmend emra.”
