Inter ka siguruar një biletë për në UEFA Champions League pas 7 vitesh mungesë, një kualifikim që nuk është lënë pa përgëzuar nga ish-presidenti i zikaltërve, Massimo Moratti,
73 vjeçari ka përshëndetur skuadrën e Interit, duke lavdëruar trajnerin Luciano Spalletti dhe lojtarët e tij për këtë sukses.
“Ishte një fitore e madhe, e cila i dha kënaqësi të madhe në fund. Ishte gjithashtu një ndeshje e mirë sa i përket emocioneve. Shlyhen vuajtjet tona gjatë gjithë sezonit.
“Kush meriton përgëzime? Në këto raste, të gjithë. Lojtarët luajtën me zemër. Ata ringjallën shpirtin e Interit.
“Spalletti ka përgatitur ndeshjen e duhur në kohën e duhur dhe siguroi se sezoni i tij i parë të shkoi mirë. Ai na ka dhënë një ide për të ardhmen dhe i lejoi lojtarët të luajnë pa presion.
“Merkato? Për momentin, le të gëzojmë kualifikimin në Ligën e Kampionëve.
“Sa për merkaton, klubi do ta mendojë atë ditë pas dite. Ata do të kërkojnë lojtarë të cilët do të përmirësojnë një skuadër tashmë të mirë. Rezultati është gjëja më e bukur. Tani është një angazhim dhe do të trajtohet seriozisht dhe me karakter të madh nga ekipi “.-tha Moratti në prononcimin e tij për mediat italiane.