Tekniku i Partizanit Skënder Gega nuk pezmatohet nga humbja me Mariborin në shtëpi. Ai hedh sytë drejt sezonit të ri dhe ka bërë apel për përforcime serioze në merkato. Gega pranoi publikisht se me grupin e lojtarëve në dispozicion që ka momentalisht Partizani arriti maksimumin në duelin me sllovenët. Riparimi i ekipi duhet të nisë nga mesfusha, ku duhet të “ndërtohet” një motorr i fuqishëm që t’i japë shpejtësi dhe dinamizëm kryeqytetasve.
54-vjeçari ka në mendje disa emra që mund të funksionojnë shumë mirë për sezonin e ri. Pavarësisht dështimeve në disa raste, ai mbetet i bindur se vetëm një merkato cilësore mund të transformojë Partizanin në një ekip elitar dhe konkurues.
