Sebino Plaku është një nga lojtarët më të njohur të kampionatit shqiptar. Sulmuesi kryeqytetas shkëlqeu sezonin e shkuar me skuadrën e Kamzës duke dhënë një kontribut të çmuar për të qëndruar në elitë.
Tashmë ai ka nënshkruar me nënkampionët e Shqipërisë për Kupat e Europës dhe ende nuk ka asgjë zyrtare, nëse do të vijojë të qëndrojë ose jo me verilindorët.
Megjithatë neësport.al ka mësuar se 33-vjeçari mund të rikthehet sërish me ekipin e Kamzës. Në kampin e drejtuar nga trajneri Bledar Devolli përflitet se kryeqytetasi është në planet e drejtuesve kamzali. Pritet me interes të mësohet se cila do të jetë përfundimisht e ardhmja e Sebino Plakut.
