Napoli e Roma nuk mund të bëjnë më asgjë, Aleix Vidal, mbrojtësi 28-vjeçar i Barcelona-s, nuk do të largohet nga Spanja për të shkuar në Itali, por do të mbetet në La Liga. Do të kthehet te Sevilla, klubi që e shiti te katalanasit dy vite më parë për 17 milionë euro.
Operacioni është pothuajse i mbyllur, sipas të përditshmes sportive “Mundo Deportivo”. Pavarësisht ofertave të ndryshme, mbrojtësi i djathtë ka vendosur të mos ndryshojë kampionat dhe të kthehet te skuadra ku dy sezone më parë (2014/15) ka fituar Europa League.
Në këtë sezon, ai ka luajtur 15 ndeshje, në të cilat ka shënuar dy gola dhe ka dhënë 3 asiste (1 në La Liga kundër Real Madrid, tjetri në Kupën e Mbretit).
