Swansea ka shfaqur një interesim të madh për futbollistin e ri të Manchester City, Bersant Celina, bën të ditur “Sky Sports News”.
Të dy klubet kanë gjetur marrëveshjen e përbashkët dhe transferimi i Celina te klubi uellsian është vetëm çështje orësh.
21-vjeçari, pjesë e kombëtares së Kosovës, ka qenë i huazuar te Ipswich Town gjatë sezonit të kaluar dhe në 35 ndeshje shënoi 8 gola.
Celina, që më parë ka qenë i huazuar edhe te Twente në Holandë, numëron 10 ndeshje me përfaqësuesen e Kosovës. Ai ka luajtur vetëm katër ndeshje me Manchester City, por ka një kontratë me kampionët e Anglisë deri në qershor 2019.