Një “rokadë” e gjitha italiane në krye të gjyqtarëve europianë. Pierluigi Collina, largohet nga posti i krye-dizenjatorit të UEFA dhe në vend të tij do të emërohet Roberto Rosetti, aktualisht përgjegjësi i VAR në Itali.
Vendimi i ish-gjyqtarit për t’u larguar ka të bëj me arsye personale.
Në vitin 2010, Collina u morr nga drejtuesit e futbollit në kontinentin e vjetër, me në krye Michel Platini, për të përcaktuar gjyqtarët në ndeshjet e Kupave të Europës. Gjashtë herë fituesi i çmimit “gjyqtari më i mirë i vitit”, do të vazhdojë të mbajë rolin e presidentit të komisionit të gjyqtarëve të FIFA-s, që e mban që nga viti 2017.
Ndërkohë, më 10 gusht, në ndeshjen e parë të Ligue 1 mes Marseille dhe Toulouse do të përdoret për herë të parë VAR edhe në Francë.
