Intersitët shohin drejt Madridit dhe presin me ankth takimin e nesërm mes ëndrrës së tyre në merkato, Luka Modric dhe presidentit të Real Madrid, Florentino Perez.
Një nga ana që është larguar nga Madridit, bashkatdhetari i Modric dhe njëkohësisht ish-futbollisti i Inter, Mateo Kovacic ka folur për këtë çështje, gjatë prezantimit të tij si lojtar i Chelsea.
“Flas gjithmonë me Luka. Ai është i lumtur që unë shkova në Londër dhe ma këshilloi këtë qytet, ku ka luajtur më parë me Tottenham. Në këtë periudhë e kam parë të trishtuar, por nuk e di se cila do të jetë e ardhmja e tij. Nuk më duket i lumtur,” – pohoi Kovacic.