Matteo Darmian dhe Marcos Rojo janë konsideruar si futbollistë të përfshirë në listën e shitjeve potenciale të Manchester United dhe nuk përjashtohet që në dyert e klubit të “Djajve të Kuq” të mbërrijë një ofertë për blerjen e tyre, ndonëse merkato në hyrje në Angli është mbyllur.
ESPN sqaron ndërkohë se Jose Mourinho u ka kërkuar të dy futbollistëve që të qëndrojnë në klubin anglez, të paktën deri në merkaton e janarit, sepse portugezi nuk ka mundur të sigurojë futbollistët që kërkonte të kishte në kontigjentin e tij, si Maguire e Godin. Në këto kushte mund të ketë më shumë hapësira për Darmian dhe Rojo në shumë garat e sezonit të skuadrës nga “Old Trafford”. Italiani Darmian ka qenë ndërkohë edhe objektiv i Inter.
