“Juventus” si markë po shikon një rritje historike të vlerës së saj që nga momenti kur ka firmosur Ronaldo.
Ndërkohë që markat e tjera të seria A kanë pesuar një rënie, aksionet e Juventusit janë rritur me 62% gjatë muajit të fundit. E ndërsa FTSE MIB (Indeksi i aksioneve të brandeve kryesore në tregun italian) ka pasur një rënie -6.2% gjatë këtyre javëve, e vetmja markë që jo vetëm nuk është prekur nga kjo rënie e tregut por ka thyer rekordin e saj personal duke ndikuar në bursë, është Juventus.
Specialistët e tregut të aksioneve milaneze tregojnë se është e pamundur të parashikosh sjelljes e tregut të aksioneve dhe të ardhurat nga aksionet e markave, por zonja e vjetër ka parë një rritje të paimagjinueshme në vlerën e markës së saj dhe i vetmi çelës suksesi është Ronaldo.
Kapitali i përgjithshëm i kompanisë ka regjistruar nivele historike, duke kapur shifrën 1.350 milionë euro si maksimumin e vlerës së markës e përkthyer në një rritje vjetore 86%.
E nëse shumë e kanë parë blerjen e Ronaldos si investim të gabuar për shkak të moshës së tij në raport me çmimin e kripur të blerjes, le të shohin shifrat e markës për të zbuluar “talentin” e tij edhe jashtë fushës së blertë.
