Adil Rami ka zbuluar marëdhënien e tij me Filipo Inzagi, në kohën kur të dy ishin pjesë e Milanit. Ish-sulmuesi në rolin e trajnerit dhe francezi si futbollist i ekipit. Ai ka lëshuar disa akuza në drejtim të Inzagit.
“Unë nuk e kam problem të qëndroj në stol, kjo nëse skuadra drejtohet nga trajnerë të mëdhenj dhe jo nga Inzagi. Ai ishte katastrofë. Kam pasur shumë trajnerë si Garsia, Deshamp, Emeri apo Sedorf. I shikoja të gjithë në punën e tyre dhe e mendoja se sa e vështirë ishte të bëheshe si ata. Nëse Inzagi ka arritur të bëhët trajner, atëhëherë mund ta bëjë kushdo, ishte një fatkeqësi për Milanin”, përfundon Rami. Francezi luajti gjithsej 44 ndeshje me fanellën kuqezi, madje shënoi dhe 4 gola. Ai aktualisht luan për Sevilian.
