Gazeta britanike “Daily Mail”, kur flet për krizën e rezultateve që po kalon Real Madridi dhe merr në analizë të ardhmen e trajnerit Lopetegui në stolin e kampionëve të Europës, përveç opsionit të Antonio Contes, nuk përjashton mundësinë e kthimit të José Mourinhos në “Santiago Bernabeu”.
Mediat angleze sigurojnë se presidenti Florentino Perez dhe trajneri portugez janë ende miq të mirë dhe se për shkak të situatës së keqe, që mund të haste “Special One” në “Old Trafford”, do të ishte e mundur të përafrohej dorëheqja e këtij të fundit. Më pas, menjëherë mund të bashkohet me klubin e bardhë.
Sipas “Daily Mail”, presidenti i Real Madridit është i vetëdijshëm se Mourinho ende vlerësohet shumë mirë nga tifozët në “Bernabeu” dhe se ai ka përvojën e nevojshme për ta ftilluar ekipin, që nuk po jep versionin më të mirë deri tani, me Lopetegui. Sidoqoftë, mediat angleze e bëjnë të qartë se ky është një opsion shumë i komplikuar, por që po studiohet dhe vlerësohet nga drejtuesit e klubit mbretëror madrilen.
