Dje u zhvilluan disa ndeshje tejet interesante në kuadër të Ligës së Kombeve. Anglia mposhti Spanjën në një triler prej pesë golash në Sevilla, derisa Zvicra regjistroi fitoren e radhës ndaj Islandës.
Bosnja gjithashtu regjistroi fitore të rëndësishme duke mposhtur Irlandën Veriore me rezultat, 2-0, transmeton IndeksOnline.
Dhe prestigjiozja, WhoScored tani ka zgjedhur lojtarët më të mirë të vlerësuar nga ndeshjet e mbrëmshme.
Edhe pse nuk shënoi gol ndaj Spanjës, Harry Kane ndihmoi Anglinë në mbrojtje dhe në sulm, teksa ai është vlerësuar me notën, 8.63.
Lojtari i dytë më i vlerësuar është mesfushori shqiptar që përfaqëson Zvicrën, Granit Xhaka.
Xhaka është vlerësuar me notën, 8.16 pas asistimit te goli i Seferovic si dhe për paraqitjen solide ndaj Islandës.
Lojtarët tjerë më të vlerësuar janë Miralem Pjanic, Adam Szalai, Robin Lod, etj.
