Shpërthimi i Gabriel Barbosa, i njohur ndryshe si Gabigol, pas largimit nga Interi dhe rikthimit në Brazil, ka bërë që pas Santosit, që kërkon ta blejë përfundimisht kartonin e lojtarit, të interesohet edhe skuadra e Cruzeiros, që e ka këruar edhe më parë 22-vjeçarin.
Skuadra e drejtuar nga Mano Menezes është gati të nisë zyrtarisht bisedimet me Interin, që zotëron kartonin e brazilianit, për transferimin e futbollistit nën urdhërat e 56-vjeçarit. Momentalisht Gabigol aktivizohet në huazimi te ekipi i Santosit, ku do të qëndrojë deri në fund të dhjetorit, më pas pritet rikthimi i tij te zikaltrit, të cilët do të marrin një vendim përfundimtar për të ardhmen e futbollistit.
