Real Madridi qe në gjendje të fitojë para tifozëve të vet të shtunën, pasi e mundi Real Valladolidin 2-0, por nuk do të luajë në “Santiago Bernabeu” më deri në muajin dhjetor.
Orari bën që Madridi t’i zhvillojë katër ndeshjet e ardhshme në udhëtim, kundër Viktoria Plzen më 7 nëntor, ndaj Celta Vigos më 11 nëntor, ndaj Eibarit më 24 nëntor dhe Romës më 27 nëntor.
Los Blancos nuk do të rikthehen në shtëpi deri në përballjen me Valencian në javën e 14-të të këtij sezoni të La Ligës.
Data dhe ora e saktë nuk është konfirmuar ende, por ndeshja do të zhvillohet në javën e parë të dhjetorit.
