Mbrëmja e sotme e Championsit ka rezervuar një nga duelet më interesante, ku në “San Siro” në orën 21:00 do të luhet Inter-Barcelona.
Për sfidën e vlefshme për Grupin B kishte dyshime se a do të luajë Lionel Messi, i cili ka qenë i dëmtuar në krah.
Argjentinasi ka udhëtuar me skuadrën për në Milano, por pritet që trajneri Valverde mos ta aktivizojë që nga fillimi, por ndoshta gjatë lojës.
Nga ana tjetër, Spalletti ka rikuperuar Nainggolan, i cili do të jetë në fushë që nga minuta e parë.
Në foton e mëposhtme janë formacionet e mundshme të të dy skuadrave dhe se si do rreshtohen lojtarët në tapetin e gjelbër të “San Siros”.