Neymar u vërshëllye mbrëmë nga tifozët e PSG-së në ndeshjen ndaj Dijon, për shkak se nuk e lejoi Edinson Cavanin të gjuante penalltinë, ku do të bëhej golashënuesi më i mirë në histori të skuadrës
Braziliani në këtë takim shënoi katër gola, ku skuadra e tij e demoloi Dijonin me rezultat të thellë 8:0.
Pas ndeshjes kapiteni Thiago Silva tha se Neymar nuk është i mërzitur me vërshëllimat e tifozëve edhe pese u largua menjëherë nga fusha.
“Jo, nuk besoi se Neymar ishte i mërzitur kur u largua”, tha fillimisht Silva për Canal +.
“Ishin disa tifozë kundër tij, por më e rëndësishmja është rezultati final dhe fitorja. Rekordi i Cavanit do të vije, sepse ka edhe shumë ndeshje për t’u luajtur. Ai do të thyej të gjitha rekordet”.