Alexis Sanchez mund të largohet nga Manchester United, të paktën kështu raporton britanikja ” The Times”. Sulmuesi kilian nuk po kalon momente të mira në Angli dhe me në krye trajnerin Jose Mourinho, ai nuk është aspak i kënaqur me mënyrën e lojës që aplikon portugezi.
Kësisoj gjasat janë që “divorci” mes palëve të jetë i afërt. 29-vjeçari ka shënuar vetëm 4 gola në 28 takime të luajtura. Ai nuk ndihet mirë në Manchester dhe kërkon të ndërrojë edhe ambient. Pritet me interes të shihet se cila do të jetë e ardhmja e tij.
