Nuk ka shumë kohë për pushime. Bardhezinjtë vetëm dje kanë shijuar fitoren me Interin, ndërsa ditën e sotme do të rikthehen në stërvitje për të përgatitur ndeshjen e fundit në fazën e grupeve ndaj Jang Bojsave. Alegri tha se kjo sfidë është shumë e rëndësishme dhe do të vendosë vendin e parë në grup.
Juventusi e ka siguruar kualifikimin, por do të kalojë si e para, në mënyrë që të shmangë shortin e vështirë. Sigurisht që pritet të ketë ndryshime në formacion, duke parë që rivali nuk përhap shumë panik dhe lojtarët aktualë kanë shpenzuar shumë energji. Trajneri bardhezi mund t’u japë mundësinë lojtarëve që deri tani nuk kanë luajtur sa duhet, si Duglas Kosta, Kuadrado, apo Bernardeski. Nga krahët pritet që të ketë lëvizje
