Pas dy golave të shënuar për 20 minuta të kaluara në fushë Xherdan Shaqiri u shpall Lojtari i Ndeshjes në derbin e futbollit anglez të kësaj fundjavë ndërmjet Liverpoolit dhe Manchester Unitedit.
Trofeun ai e pranoi nga Jamie Carragher, në një moment shumë interesant.
Në fakt, ish reprezentuesi i Anglisë i tha Shaqirit se “Gary Neville ishte këtu por nuk donte që ta jepte ai çmimin”.
Kështu, edhe Carragher iu bashkua radhës së gjatë të njerëzve që sot e kanë tallur Gary Neville për komentet që ai kishte bërë më herët për Shaqirin.
Futbollisti nga Kosova e kaloi këtë moment duke qeshur dhe nuk e shfrytëzoi momentin për ta kritikuar Neville, me të cilin tashmë ka një histori të rivalitetit dhe kundërthënieve televizive.
