Beppe Marotta është vënë pas lojtarëve që iu skadon kontrata në fund të sezonit dhe emrat e përfolur shkojnë nga Godin, te Robben e deri te Hector Herrera.
Për këtë të fundit, në Itali janë të sigurt që do të vendosë të luajë me fanellën zikaltër pasi mesfushori meksikan ka refuzuar një sërë ofertash nga Spanja dhe Anglia, madje ka refuzuar edhe një pagë prej 6 milionë eurosh në sezon nga Porto, klub ku aktivizohet prej 6 sezonesh.
Inter ka negociuar me lojtarin që nga muaji nëntor, periudhë në të cilën Roma dhe Milan ishin në kontakt më të, por më pas u drejtuan në lojtarë të tjerë. Për të ka shfaqur interes edhe Juventus e Napoli, por 28-vjeçari është i vendosur të vijojë karrierën në “San Siro”.
