Ylli i Barcelonës, Lionel Messi, gjatë ‘El Clasico-s’ u kap disa herë nga kamerat duke u ankuar nga një dëmtim.
Sigurisht se për tifozët dhe trajnerin ky ishte një shqetësim i madh, por Valverde ka treguar gjithçka për gjendjen e lojtarit, menjëherë pas ndeshjes.
Trajneri i skuadrës katalane ka bërë të ditur se argjentinasi është në gjendje të mirë dhe nuk duhet frikësuar për një lëndim.
‘Messi është mirë. Ai ka pasur një ndeshje të madhe dhe më pëlqeu iniciativa e tij’, ka thënë Valverde.
‘Ai është i jashtëzakonshëm në një mënyrë, sepse sa herë ai ka topin, diçka e jashtëzakonshme ndodh’ ka thënë më tej Valverde.
