Manchester City ka përmbysur disavantazhin e dy golave ndaj Swansea duke kaluar në gjysmëfinalen e FA Cup.
Megjithatë, ishte një fitore me polemika teksa goli i tretë i shënuar nga Sergio Aguero ishte në pozicion jashtë loje.
Pas ndeshjes, Pep Guardiola është shprehur se nuk i pëlqen të fitojë me vendime të gabuara të arbitrave dhe do të donte të kishte VAR në lojë.
“Rreth e qark Europës përdoret VAR. Këtu jo. Nuk më pëlqen të fitoj në këtë mënyrë. Më vjen keq.”
Ndërkohë, heroi i ndeshjes Aguero ka folur për BT Sport: “Ndonjëherë të ecën fati me këto përmbysje. Është e rëndësishme që u kualifikuam në gjysmëfinale, kështu që jemi të lumtur. Gjithmonë kemi besuar te fitorja, gjithmonë luftojmë.”
