Giorgio Armani ka dizajnuar uniformën zyrtare të ekipeve kombëtare të futbollit të meshkujve dhe femrave të Italisë dhe ekipit nën 21 vjeç, sipas një marrëveshjeje katërvjeçare me Federatën Italiane të Futbollit (FIGC).
Dekani i modës italiane gjithashtu ka dizajnuar uniformën e ekipit të Italisë për Olimpiadën 2012 dhe 2016.
Uniforma është e markës Armani, Emporio Armani.
“Ne me siguri do të jemi elegantë, shpresojmë që edhe do të fitojmë”, tha trajneri i ekipit kombëtar, Roberto Mancini, i cili kishte veshur uniformën e re, që përfshin një kostum, këmishë dhe pallto me një astar të ndarë dhe aksesorë duke përfshirë syze dielli.
