Marcelo Brozovic humbet dy sfidat e ardhshme të Interit dhe bën me dhimbje koke Luciano Spallettin, i cili në takimet ndaj Frosinones dhe Romës nuk do të mund të mbështetet te shërbimet e mesfushorit kroat.
Brozovic në këtë sezon është kthyer në një lojtar të pazëvendësueshëm për Spallettin, që e ka përshtatur që në gjysmën e dytë të sezonit të kaluar në rolin e regjisorit në mesfushë dhe çdo aksion sulmues i Interit lind nga këmbët e 26-vjeçarit.
Analizat e detajuara të cilave iu nënshtrua Brozovic paraditen e sotme evidentuan një dëmtim muskular.
Mesa duket largimi i parakohshëm nga fusha në duelin e fundjavës ndaj Atalantës ka lënë pasoja te mesfushori kroat, i cili tashmë rrezikon të mungojë edhe në supersfidën ndaj Juventusit, edhe pse javën e ardhshme Brozovic do t’u nënshtrohet të tjera analizave dhe në kampin zikaltër do të tentojnë të bëjnë mrekullinë për ta rikuperuar që për sfidën ndaj Romës.
