E mbani mend Karel Poborskyn? Pikërisht ai, “vrasësi” i ëndrrave të Interit më 5 maj 2002, plot 17 vite më parë, kur do të shënonte dy gola në përmbysjen e ccmendur të Lazios 4-2 dhe kur futbollistët zikaltër luteshin që të mos u prishej ëndrra (sipas rrëfimeve në fushë në atë kohë).
“Fenomeni” Ronaldo që u ul në stol dhe qante me dënesë, apo edhe Massimo Moratti që ndizte një cigare. Kanë kaluar plot 17 vite nga ai moment i hidhur i historisë zikaltër, por titullin Juventusi ia ka borxh pikërisht Poborskit, Simone Inzaghit dhe Simeones.
Nëse Simeone drejton Atleticon dhe Inzaghi Lazion, ku ka përfunduar Poborsky? Sot është president i ekipit të ligës së dytë çeke, Ceske Budejovice, por që sezonin tjetër do ta shohim në elitë sërish.
