Nëpërmjet një rrëfimi në kanalin e Youtube “Idols”, ish-zv.presidenti i Barcelonës, Joan Gaspart, ka treguar se si drejtuesit e klubit katalanas u shoqëruan me tank, kur shkuan për të firmosur me Diego Armando Maradonën në Argjentinë. Bëhet fjalë për vitin 1982.
“Mbaj mend se shkuam në aeroport me tank sepse policia na tha se kishte rrezik të na sulmonin në rrugën nga hoteli drejt avionit.
Të largoje Maradonën nga Argjentina në atë kohë ishte si një sulm ndaj tifozëve të Boka Zhuniors. Kështu që u futëm në tank dhe me makina dhe motorë policia na kanë shoqëruar deri te shkallët e avionit. Ata nuk na braktisën derisa u ulëm”, u shpreh Gaspart.
