Prej kohësh në mediat italiane ka qarkulluar lajme se Mauro Ikardi mund të transferohet në verë te rivalët e Juventusit. Ndërkohë në një prononcim për emisionin “Tiki Taka”, bashkëshortja e sulmuesit argjentinas, Vanda Nara, e cila është dhe menaxherja e tij, i ka dhënë fund aludimeve duke deklaruar se Ikardi kurrë nuk ka thënë se dëshiron që të shkojë te Juventusi. Sipas Vandës të gjitha zërat që qarkullojnë në lidhje me merkaton janë të pavërteta.
“Ikardi kurrë nuk ka thënë që ai dëshiron të shkojë tek Juventusi, nuk është kjo ajo që ai mendon. Nuk është mirë që kanë dalë këto lajme, pasi ai është i lodhur nga këto njoftime. Askush nuk foli për Ikardin kur grupi i hoqi shiritin e kapitenit. Championsi? Isha e sigurt që do të ishte mbyllur. Kemi vuajtur, por do të hyjmë në Ligën e Kampionëve, e meritojmë”, u shpreh bashkëshortja e Ikardit.
