Merr fund “telenovela” e një përdhunimi të mundshëm të Kathryn Mayorga-s nga Cristiano Ronaldo.
Sipas “Bloomberg”, mësuesja, që në vitin 2018 hodhi akuza të rënda ndaj portugezit për dhunë seksuale, e ka tërhequr denoncimin me vullnet të plotë.
Nuk dihet nëse mes palëve ka patur një marrëveshje (CR7 mund ta ketë paguar për tërheqjen e denoncimit), por tashmë është e sigurt që 5 herë fituesi i “Topit të Artë” do të jetë i fokusuar vetëm në fushën e blertë.
Vlen të theksojmë që sot në mbrëmje, Ronaldo do të jetë pjesë e përfaqësueses së Portugalisë e cila do të përballet me Zvicrën në ndeshjen gjysmëfinale të Ligës së kombeve.
