Lionel Messi dha një intervistë në Argjentinë, ku ndodhet atje për Kupën e Amerikës.
“Kam përfunduar një sezon, ku kam pasur më shumë lodhje mendore sesa fizike dhe kjo ndodhi 2 javët e fundit, sidomos në momentin që u eliminuam nga Championsi”, tha sulmuesi i Barcelonës.
Kujtojmë këtu se në fund të sezonit Barcelona humbi dy tituj, atë të Champions League ku u eliminua nga Liverpooli dhe humbja në finalen e Kupës së Mbretit me Valencian.
Më tej ai foli edhe për Kupën e Amerikës: “Ne jemi duke shkuar me të njëjtin entuziazëm dhe dëshirë si gjithmonë, por në realitet Argjentina është duke kaluar nëpër një proces, por kjo nuk do të thotë asgjë. Ne jemi kandidatë si gjithmonë dhe do ta kërkojmë ta fitojmë Kupën e Amerikës”.