Emiliano Musta është zyrtarisht pjesë e Kukësit. Futbollisti elbasanas kaloi sot me sukses testet mjekësore, teksa më pas firmosi kontratë 1-vjeçare, me nënkampionët e Shqipërisë.
Sezonin e shkuar Musta ishte pjesë e Flamurtarit, duke bërë paraqitje tepër dinjitoze, teksa zgjoi kështu interesin e drejtuesve verilindorë.
27-vjeçari është goditja e parë në merkato për Kukësin, teksa mësohet se klubi ka arritur marrëveshjen edhe me portierin Ilir Avdyli, i cili do të prezantohet në ditët e ardhshme. . Në të kaluarën, përveç Flamurtarit, mesfushori ka veshur fanellën e Teutës, Elbasanit, Partizanit dhe Shkumbinit.
