Të gjithë po përflasin largimin nga PSG-ja por Neymar po shijon pushimet.
Pikërisht në momentin kur në Francë bën bujë lajmi mbi vullnetin e shprehur nga vetë presidenti i PSG-së, Al Khelaifi për të shitur Neymarin, është sulmuesi i Real Madrid, Karim Benzema ai që jep sinjalin e fortë mbi rikthimin e brazilianit në La Liga të Spanjës.
“Bomberi” i Real Madrid njëherësh sulmuesi i përjashtuar nga kombëtarja e Francës, nëpërmjet një postimi në llogarinë e tij në “Instagram” ka shtuar aludimet e spekulimet mbi transferimin e Neymar te “Los Blancos”.
Ka mjaftuar një foto e francezit të Real Madrid me yllin brazilian të PSG të përqafuar, për të ngjallur sërish ëndrrat e tifozëve madrilenë, për një tjetër transfertë të bujshme, pas blerjes së Eden Hazard nga Chelsea.
