Në orët e para të mëngjesit të sotëm në SHBA u zhvillua ndeshja, në kuadër të International Champions Cup midis Real Madrid dhe Bayern Munich.
Kjo ndeshje u fitua nga ekipi gjerman me rezultatin 3-1
Epërsinë e pjesës së parë, pas golit të Toliso (15’), bavarezët e thelluan në fraksionin e dytë.
Lewandoswki (67’) dhe Gnabi (69’) i çuan shifrat në 3-0, ndërkohë që madrilenët golin e “nderit” e realizuan me anë të brazilianit Rodrigo (84’).
Në këtë ndeshje, trajneri i Bayernit, Niko Kovaç aktivizoi 20 futbollistë, ndërsa tekniku i Realit Zinedin Zidan, përdori gjatë 90 minutave 22 lojtarë.
Si për Bayern Mynih, por edhe për Real Madridin, ky takim ishte edhe premiera “zyrtare” e të dy ekipeve, për sezonin e ri të Bundesligës dhe La Ligas, që priten të nisin muajin e ardhshëm.
