Buletini i parë mjekësor i dhënë nga skuadra e PSG-së shprehej se sulmuesi francez Kylian Mbappe do të mungojë të paktën 4 javë, pas dëmtimit të pësuar në pulpën e këmbës së majtë. Megjithatë, lojtari shpreson të jetë në dispozicion më herët.
Përmes një postimi në faqen e tij në “Instagram”, Mbappe shkruan: “Ju falënderoj të gjithëve për mesazhet. Unë do të nis që sot nga faza e rehabilitimit, në mënyrë që të rikthehem sa më shpejt, për të ndihmuar ekipin tim dhe kombëtaren sa më shpejt të jetë e mundur”.
Mbappe u dëmtua fundjavën e kaluar në ndeshjen e Ligue 1 ndaj Touluse së bashku me shokun e tij të skuadrës, sulmuesin tjetër Edinson Cavani. Edhe uruguajani do të mungojë të paktën 3 javë.
