Mateo Politano para një sezoni nën drejtimin e Spaletit ishte një titullar i padiskutueshëm te Interi, por tani me ardhjen e Kontes, sulmuesi italian nuk e ka të sigurt vendin në skuadër kjo edhe për shkak të konkurrencës së madhe në ekip.
Sulmuesi ka dhënë një intervistë së fundmi, ku shprehet: “Unë gjithmonë kam pasur si objektiv të bashkohem me një ekip të shkëlqyer, të luaja në Ligën e Kampionëve dhe luftoja për fitimin e kampionatit. Sekreti? Stërvitesha vetë duke u përpjekur të përmirësohem gjatë gjithë kohës. Kemi një tifozeri të jashtëzakonshme, sezonin e kaluar na mbështetën shumë drejt objektivave tona. Tani ka mbërritur Konte, ai gjithmonë ka dëshirë të fitojë. Gjithashtu janë afruar lojtarë të rinj me përvojë dhe, kemi një grup ku mund të punojmë me shumë qetësi. Të gjithë jemi të bashkuar për të bërë të lumtur tifozët.”, u shpreh Politano.
Interi do të përballet ditën e sotme me Lacion, në një ndeshje që pritet të jetë e vështirë, por zikaltërit vijnë në këtë ndeshje me moralin e mirë, pasi kanë marrë maksimumin e pikëve në këto 4 javë të kampionatit.
