Trajneri i Flamurtarit, Dritan Sadedini, foli pas humbjes së thellë 5-0 në transfertë ndaj Bylisit.
Sadedini duket i zhgënjyer nga humbja e thellë, por shprehet se nuk pret ndonjë të re, vetëm që të rritet dita-ditës me lojtarët që ka.
Çfarë nuk shkoi?
Ndeshja ishte e vështirë. E prisnim një ndeshje të vështirë, rezultati është i ekzagjëruar.
Çfarë prisni për të ardhmen?
Nuk presim asgjë. Ndryshimin e duam dita-ditës. Kemi vështirësitë tona, dhe prandaj vijnë edhe këto rezultate.
Prisnim diçka më tepër…
E vërtetë që me Laçin morëm një pikë, por ne teknikët e dimë si shkojnë gjërat. Nuk mund t’i gëzoheshh një pike, kur ekipi ka vështirësi. I dinim si i kishim punët edhe këtë ndeshje.
Thatë që nuk prisni asgjë. Kërkoni që diçka të ndryshojë, me çfarë motivi do e drejtoni këtë Flamurtar?
Motivi është dita-ditës, i dimë vështirësitë. Java-javës, duam të marrim pikët. Të rritemi fizikisht dhe taktikisht. Jemi në shtator, merkato është mbyllur. Nuk afrojmë dot të tjerë. Do punojmë të ecim para me lojtarët që kemi.