Bylisi mposhti ditën e djesme Vllazninë me rezultatin 0-1, duke u ngjitur në vendin e dytë të renditjes. Pas triumfit, në kampin ballshiot ka shpërthyer festa, ndërkohë që futbollistët nuk kanë nguruar ta teprojnë disi edhe me fjalorin.
Mbrojtësi Jurgen Goxhaj, postoi pas ndeshjes në video të shkurtër në “Insta Story”, ku dikush nga të pranishmit në autobuzin e Bylisit gjatë kthimit nga Shkodra, “inkurajoi” futbollistët duke brohoritur: “O çuna, a t’ju them një gjë? Jeni ka*drerra të gjithë, ka*derra”.
Kjo video u postua nga mbrojtësi Goxhaj me mbishkrimin: “Na e bëni hallall për fjalorin, por kështu janë çunat”. Në 11 javët e para të kampionatit, skuadra e drejtuar nga Dovedan, ka arritur të sigurojë 20 pikë, duke u renditur në vendin e dytë, me 1 pikë më pak se Partizani kryesues.
